He wos is

he wos is, wos hast g´sogt do drin
geh weita schau di um
und drah eana den oarsch nit hi
sunst knallt di oana z´samm
und drah eana dei g´sicht nit hi`
sunst haut di wer in sack
he türke setz di her mir scheiss´n auf das braune pack
he türke setz di her mir scheiss´n auf das braune pack

he wos is, wos host g´sagt do drin
geh weita trau di her
für mi gibt´s bloss noch mensch´n,
für mi gibt´s koa hautfarb mehr
und wenn mei freind a grieche is ,
jo dann kriach i mit ea´m umÁnand
bevor i mit dir aufrecht geh, fürs deutsche vaterland
bevor i mit dir aufrecht geh, fürs deutsche vaterland

he wos is, wos host g´sagt do drin
geh weita hoit dei mei´
i schreib dir deine freind nit vor,
i lod eh bloss de meinan ei´
do kann i jetzt sauber deisch´n
aber wos helft´s, i muass dir sog´n
i woas wer meine freind san, jo oba di hob i net einglod´n
i woas wer meine freind san, jo oba di hob i net einglod´n

he wos is, wos host g´sogt do drin,
geh leck mi doch am oarsch
du bist oa kloana feigling,
des hob i eh oiwei schon g´wusst
du bist oa kloana schissa,
und des oane, des konn i dir heit sog´n
du brauchst koa ongst vor mir , jo oba vor dir, muass i oane hob´n
du brauchst koa ongst vor mir , jo oba vor dir, muass i oane hob´n

he wos is, wos host g´sogt do drin,
jetzt stell di net so oh´
du brauchast doch bloss, na sog´n,
du laf`st do eh bloss hinten noch
do brauchst die bloss umdrahn,
wos kennt scho gross passier´n
ausser, doss da besser geht, he mogst as net probier´n
ausser, doss da besser geht, he mogst as net probier´n

he wos is, wos host g´sogt do drin
geh weita, schaug di um,
du bist ein europäer,
jo und i kimm aus bercht´sgodn
bei uns dahoam werd g´arbeit
und net auf de ondan g´schob´n
de ondan und de mir, de hom sich schon oiwei guat va`trog´n
jo, de ondan und de mir, de hom sich schon oiwei guat va`trog´n

he wos is, wos host g´sogt do drin
geh weita trau di her,
dir hobn´s nit bloss de hoar,
dir hobn´s glei s´hirn mit wegrassiert
du bist ein stolzer deitscha,
jo, a stolzer deitscha, dos bin i net
mi mocht mei stolz zum bayern, jo und dei stolz mocht di bled

__________________________________________________________

's Isental

da stoiber baut a autobohn da waigl betoniert
da beckstein hot stopschüidln und leitplonk´n montiert
da krause putzt in stoiber sei 750er bmw
heit foahrn ma no ins isental do is so sche
heit foahrn ma no ins isental do is so sche

da stoiber baut a autobohn da uwe pflontzt an strauch
da scharping joggt vorbei und schreit
" a überholspur brauch ma auch "
da blüm lahnt an da schauf´l a herrgood ondascht`rum
an da schaufel lahnt der blüm
heit foahrn ma no ins isental do is so sche
heit foahrn ma no ins isental do is so sche

da stoiber baut a autobohn da streib´l schaut bloss zua
so prall wia er is, konnt er eh nit vüi toan
da peter sitzt im high-klo und mog gor nimmer geh´
heit scheiss ma no ins isental do is so sche
heit scheiss ma no ins isental do is so sche

da stoiber baut a autobohn da tandler planiert
de schmitt bringt a brotzeit oben ohne serviert
da wiesoll baut a radarfoll und probiert glei ob´s geht
heit foahrn ma no ins isental do san leit so schen bled
heit foahrn ma no ins isental do san leit so schen bled

jo da stoiber baut a autobohn da weizäcker appeliert
mensch baut´s es a bisserl breater do konn mehra passier´n
je breater je mehra umso schnella werd´s geh´n
do foahrn ma donn ins isental do is so sche
do foahrn ma donn ins isental do is so sche

jo da stoiber baut a autobohn frau hollmeier überlegt
mensch wo bau´n ma denn an rostplotz
wo`s a guate schweinshaxn gibt
wo man sitzt in da sunn und auf´d autobohn schaut
do schaun ma donn ins isental do is ois so sche grau
do schaun ma donn ins isental do is ois so sche grau

he da stoiber baut a autobohn unser land geht kaputt
aber er baut es nit für sich na er baut´s bloss für uns
jo donn baut er´s für eich weil für mi braucht´s es net
i kimm a so ins isental i bin jo net bled
i kimm a so ins isental i bin jo net bled

he da stoiber baut a autobohn a ond´dr baut a haus
da oane baut an unfall jede baut irgendwas
du baust dahoam um und i bau dahoam o
i pflanz a gern ins isental do wachst ois a so
i pflanz a gern ins isental do wachst ois a so

ober na he da stoiber baut a autobohn da stoiber is da chef
da strauss hot an airport do woa da stoiber a bissl z´spät
und wenn autobohn do is und des isental is weg
jo mei donn foahrt er holt ins allgäu da stoiber da depp
donn foahrt er holt ins allgäu da stoiber da depp

__________________________________________________________

Wos kon i mera verlanga

wos konn i mehr vom leb`n verlanga, als dass i di als ers`tn siehg,
wenn i aufwoch und dei loch`n her, und donn ziagst mi auss` mein bett,
mogst nit alloa`n zum biss`ln gehn
wos konn i mehr vom leb`n verlanga, als des

wos konn i mehr vom leb`n verlanga, als dass i jetzt mit dir lach
und i woass, dass i mir net bled vorkimm, dabei
jo und so a absoluta krampf, der wird auf a´moi zum problem
wos konn i mehr vom leb`n verlanga, als des

wos konn i mehr vom leb`n verlanga, als dass i jetzt mit dir sitz
und i siehg, dass ois noch is, wos gestern wo`a
jo, dann isst und trink`st mit mir, als war scho` oibai so g`wend
wos konn i mehr vom leb`n verlanga, als des

wos konn i mehr vom leb`n verlanga, als dass i jetzt mit dir geh
auf da selb`n strass, mir hob`n des selb`n weg
und gonz egal, wonnst imma ob`biagst
a zeit long gehst jetz amol mit
wos konn i mehr vom leb`n verlanga, als des

wos konn i mehr vom leb`n verlanga, als dass i jetzt mit dir red`
und i her, wos i in mir g`hört hob von mir
jo, donn sog`st bloss so, du mogst mi, oh mann,
wenn des nit obigeht
wos konn i mehr vom leb`n verlanga, als des

wos konn i mehr vom leb`n verlanga, als dass i jetzt mit dir spür
dass a dog imma so warm is, wi`a ma fühlt
und i fühl mi anfach wohl, wann i do gehn derf nebb`a dir
wos konn i mehr vom leb`n verlanga, als des

wos konn i mehr vom leb`n verlanga, als dass i woass, dass i no leb
und dass i wichtig bin, weil i woass, dass mi wer braucht
draht`s endlich um und schaut`s do hintar`e, he leit
do vorn gibt`s nix mehr zum sehg`n
wos konn i mehr vom leb`n verlanga, als des

he leit, draht`s endlich um und schaut`s
do vorn gibt`s nix mehr zum sehg`n
wos konn i mehr vom leb`n verlanga, als des

wos konn i mehr vom leb`n verlanga, als dass i aufwoch , jede nacht
und dei atmen her, und i woass, du bist no` do
und i tua ois, dass es so bleibt, und i was heit scho`, dass i g`winn
wos konn i mehr vom leb`n verlanga, als des

und i tua ois, i tua ois, dass es so bleibt
und i woass heit scho´, dass i g`winn
wos konn i mehr vom leb`n verlanga, als des

__________________________________________________________

Aba do deischt de

jo irgendwonn hob i da do g´foin,
is doch no gor nit so long her
do host g´sogt, dass du des mogst wia i geh,
steh, loch und reahr
heit mechst an lotsch´n aus mir moch´a,
sauber herg´richt und poliert
der beim essen nit red´ und der an papst nit rülpsen heart
jo aber do deischt di, jo aber do deischt di,
do deischt di, des sog i dir glei

jo irgendwonn do bin i doch brav g´wen,
host mi g´lobt und mit mir g´locht
auf meine schultern host ma klopft,
o mann, wia guat i doch ois moch
heit mechast, dass i mir de aug´n zuahoit,
und dass i dir blind vertrau,
und wenn i a´moi an fehler moch,
donn löscht mi morgen friah aus
jo aber do deischt di, he, jo aber do deischt di,
do deischt di, des sog i dir glei

jo irgendwonn host mi doch meg´n, he mann,
50 mark host ma no g´schenkt
host ma g´schrieb´n
und gratuliert host ma, zu mein ersten kind
heit mechast, dass i mir de ohr´n zuaholt,
und dass i meine kinder taub erziah´g
und an der salzburger grenz,
schickst ondere menschen z´ruck in an kriag
jo aber do deischt di, he, jo aber do deischt di,
he do deischt di, des sog i dir glei

jo irgendwonn hob´ i dir vertraut,
irgendwonn do war i gonz sche´ bled,
aber irgendwonn do hob i hoit a g´schnoll´t,
um wos dir eigentlich geht
du mechast gern a so an lotsch´n,
der sei meinung zwoar vertritt,
jo aber dahoam hoit, in sein scheisshaus,
und do moch i da nit mit
he do deischt di, jo he do deischt di,
he do deischt di, des sog i dir glei

he mann, ihr krieger auf dera woit,
losst´s eicherne woff´n steh und lieg´n
losst´s as doch de grouskopfaten austrog´n,
do gibt´s wenigstens no wos zum seg´n
do derfans donn auferanander schiass´n,
bis koa munition mehr ham,
jo und der letzte, der no lebt,
dem schenk ma donn a eigenes lond
und do derf er donn sitz´n,
he, do derf er donn sitz´n, jo bis er dafeit
do tat i mi frein, tat i mi frein, tat i mi frein
jo do derf er donn sitz´n,
he, do derf er donn sitz´n, bis er dafeit
do tat i mi frein, jo do tat i mi sakrisch frein
jo do derf er donn sitz´n,
he, jo do derf er donn sitz´n bis er dafeit

__________________________________________________________

Sturm

a sturm ziagt auf von westen, de menschheit maschiert los
endlich is so weit, endlich is so weit, heit riahrt si wos
olle nationen, ob schworz, roud, oder weiss
da grousse helft zum kloanan, jo heit sein ma freind
a sturm ziagt auf vom westen, und staub va`deckt de sunn,
mir san de neiche macht im lond, he, mir miass´n uns va`trog´n
olle religionen, ob moslem oder christ,
koana is mehr schlechta, he du woast wos bist,
ja du woast du woast was d´bist

her nit auf, her nit auf politiker,
wenns bloss no appellier´n, bloss no appellier´n
wenns betttl´n um dei gunst, bettl´n um dei gunst,
weil´s sunst a wohl verlier´n, her nit, her nit, her nit,
her nit auf die mächtigen, her nit auf die mächtigen,
ob schworz weiss oder roud, schworz weiss oder roud
heit sans so gross und mächtig, morgen sans olle tot

a sturm ziagt auf von süden, da wind blost ma ins g´sicht
an kloana hauch zufriedenheit, und freiheit bringt a mit
freiheit für de kinder, de oarbeit´n bis sterb´n
und freiheit für de kinder, de nia erwachsen werd´n
und freiheit für de kinder, in kingston, in an slum
und freiheit für de kinder, de unserne woff´n trog´n
jo, freiheit für de kinder, de auf kruck´n vor dir geh´n
wo warn mir wias uns braucht hom
wo warn mir wias uns braucht hom
wo san ma denn gwe´n, jo wo san ma denn,
wo san ma denn bloss gwe´n, jo sog wo san ma denn bloss gwe´n

her nit auf, her nit auf politiker,
wenns bloss` no appellier´n, bloss` no appellier´n
bloss` no appellier´n, wenns bettl´n um dei gunst,
weil´s sunst a wohl verlier´n
jo her nit auf de mächtigen, her nit auf de mächtigen
ob schworz, weiss oder roud, heit sans so grouss und mächtig,
heit sans so grouss, und morg´n sans olle schon tot

a sturm ziagt auf von norden, de menschheit rebelliert
endlich is soweit, endlich is soweit, heit muas passier´n
mir san de neie macht im lond, jo mir, mir miassa`n denan zoag´n,
dass besser miteinonder geht, besser miteinonder geht
du schoffs´t des nit alloa
afrika verhungert, jugoslawien da`friert
her nit auf politiker, wenns bloss no appellier´n
her nit auf de mächtigen, her endlich amoi auf dei herz
und loss ihn nit alloa´, na loss` ihn nit alloa´, na loss` ihn nit alloa´
loss ihn nit alloa` loss ihn nit alloa` , na loss ihn nit alloa`

her nit auf politiker, wenns bloss no appelliern, bloss no appellier´n
wenns bettl´n, wenns bettl´n,
wenns bettl´n weil sunst a wohl verlier´n
weil sunst a wohl verlier´n
jo her nit auf, her nit auf, her nit auf de mächtigen
ob schworz, weiss oder roud, schworz, weiss oder roud
heit sans so grous und mächtig, morgen sans olle schon tot
her nit auf, her nit auf, her nit auf, her nit, her nit auf politiker,
ob schworz, weiss oder roud, schworz, weiss oder roud
heit sans so grous und mächtig, morgen sans olle tot
morgen sans olle tot, morgen sans olle scho´ tot
morgen sans olle scho´ tot

__________________________________________________________

Auf a moi

auf a moi, tat er sog´n, es geht ea´m so schlecht
auf a moi, tat er sog´n, ihr habt´s ja so recht
auf a moi, tat er sog´n, er hot´s nit a so g´moant
auf a moi, tat er so wia er, wenn er woant
auf a moi, tat er sog´n, dass ois anderst werd
auf a moi, tat er sog´n, mir san a no wer
auf amoi tat er kemman und er gab da d´ hond
auf a moi, san ma wieder vor der nächsten wohl
auf a moi, tat er sog´n, jetzt moch da wos
auf a moi, tat er sog´n, jetzt red´ da net bloß
auf a moi, tat er sog´n, jetzt san ma olle frei
tat er sog´n, olle san ma frei, tat er sog´n, olle san ma frei
und auf a moi, gehst ma du am oarsch vorbei

auf a moi, tat er so, wia wenns uns gab
auf a moi, tat er so, wia wenn er uns mog
auf a moi, tat er oite leit va`steh´n,
auf a moi, mecht er mit junge zum tonz´n geh´n
auf a moi, hätt er kinder, koa mensch hot´s g´wusst
auf a moi, tat er singa, aus voller brust
auf a moi, liegt ea´m wos an unserm lond,
auf a moi, san ma wieder, vor der nächsten wohl
auf a moi, tat´s ea´m seg´n, wia er winkt und locht
auf a moi, kannt er wieder, mit´n radl foahrn
auf a moi, war er wieder mensch,
tat er wieder sei, tat er wieder sei, tat er wieder sei
jo mensch, tat er wieder sei
und auf a moi, do gehst ma du am oarsch vorbei

auf a moi, auf a moi, wars wurst, wia ma ohzog´n san
auf a moi, wars wurst, wos fia auto dos ma foahrn
auf a moi, tat er sog´n, er steht auf longe hoar
fette, sche`, ehrlich-woahr
auf a moi, tat er, wia wenns koane rass´n gab
auf a moi, war sei bester freind, a asylant
auf a moi, tat a neger, a oarbeit kriag´n
auf a moi, steht de nächste wohl vor der tür
auf a moi, hob´n ma ihn g´wählt, weil ma nit aufpasst hom
auf a moi, hätt´ wieder, wos ma eh scho´ hom
auf a moi, war´n ma wieder de bled´n, tat ma wieder sei,
tat ma wieder sei, tat ma wieder sei
de bled´n tat ma wieder sei,
und auf a moi, do gehst ma du am oarsch vorbei

ziag dir dein trochtenjancker oh,
und tonz mit´n moik a kloane scheib´n
und frog de uschi glas, ob´s di drüberlosst
sei ma nit bös`, he mann, mir longt´s,
i hob den gonz´n scheissdreck satt
wos a passiert, aber den zug host du verpasst
ziag dir dein trochtenjancker oh,
und tonz mit´n karl moik a scheib´n
und frog de uschi glas, ob´s di drüberlosst
sei ma nit bös´, he mann, mir longt´s,
i hob den gonz´n scheissdreck satt
wos a passiert, aber den zug host du verpasst.

__________________________________________________________

Ostblock

war da ostblock nit im osten,
donn war da ostblock jetzt do vorn´
wohrscheinlich hoassat` er donn westblock,
jo wia soi i sunst zum ostblock sog´n
donn war da westblock drunt´ in süden,
und da nordblock war do drob´n
jo und i, i war koa bayer, na a saupreiss war i woarn.
jo und i, i war koa bayer, na a saupreiss war i woarn.

wenn da schwertfisch heit´ koa schwert hät´,
donn war´s koa schwertfisch, des is kloar
war´n de schwul´n heit´ nit schwul,
jo donn war´ns doch eh total normal
war´n de grouskopfat´n net grouskopfat,
donn war am gardasee koa see
jo wo foahr´n denn donn jede woch´, de gonz´n bled´n hi´.
jo wo foahr´n denn donn jede woch´, de gonz´n bled´n hi´.

war´n de deitsch´n nit in deitschland,
donn war´n de afrikaner weiss
donn war´n de bayern wieder schworze,
jo afrikaner tat ma sein
donn war zimbawe hinta ming´a,
und de isar war da nil
donn hät´ i jetzt sakrisch hunger,
und koa mensch tat mir wos geb´n,
jo, donn hät´ i jetzt sakrisch hunger,
und koa mensch tat mir wos geb´n.

war jetzt ming´a nit in bayern,
sondern bayern, gang` drob´n rum
donn war´n de mingara koane bayern
und se hätt´n uns bayern, nix zum sog´n
donn war´n de minga`ra jetzt de ondan,
jo und de bayern, des war´n mir
donn ta´n de mingara jetzt auf uns schimpf´a,
jo und mir tan´s respektier´n
donn ta´n de mingara jetzt auf uns schimpf´a,
jo und mir tan´s respektier´n .

war mir nit wurst wos mir ois wurst is,
donn tat i wohrscheinlich deppat wer´n
jo aber mir, mir wor schon oiwei ois wurst
jo sogor no´ wurstiger is mir woar´n
seid bloss hans- wurst´n wos zum sog´n hom
und de normal´n nix mehr red´n
do gib´s für mi bloss nur zwoa rass´n, he,
de hanswurst´n und de bled´n
do gib´s für mi bloss nur zwoa rass´n,
he, de hanswurst´n und de bled´n

donn stellt´s eich vor, der dog werd kemma´,
wo`s bloss no mehr de zwoa rass´n gibt
da werd´n hans-wurstn bled daherred´n,
jo und de bled´n reden einfoach a bissl bled mit
do san ma donn do, wo ma z´esrst woarn
do is da nordblock, donn da drob´n,
jo und i, i woar koa bayer, na, a saupreiss war i woarn he,
jo und i, i woar koa bayer, na, a saupreiss war i woarn

__________________________________________________________

Grea, Göib, Roud

seit tagen bist schlecht drauf, seit tagen bist scho` drun`t
seit tagen konn`st net loch`a, he - du host a gor kan grund
du glab`st, dass jetzt oi`s aus is, weil nea´m`t so fühlt wi`a du
ob`s leicht is , oda schwa` zum trog`n, entscheid`n tuast bloss` du

oba do gib`s leit, denan gehts noch schlechta
und du hängst bloss do rum
do gib`s leit, de hom ka heimat,
du bist wenigstens dahoam

schau`g ausse, schau`g an wind zua
der streit`s sich grad mit`n tod
gestern, woan`d de blatt`ln grea
heit sein`s goib und roud
jo gestern wo`rnd de blatt`ln grea`
heit sein`s goib und roud

seit tagen geht koa sun`n auf, nea´m`t kimmt jetzt, wos`d oan brauchs`t
geh ausse, drah dein schlüss`l um und moch de tür weit auf
vielleicht geht grod durch zufall, er, do drauss vorbei
moch`s e`am a bissl leicht`a, mensch, dei tür trea`tt koana ei`n

o`ba do gib`s leit, de hom koa hoffnung
koan glaub`n und koa glück
o`ba du mechas`t glei ois sag`n
wos glab`st wohl wer`s du bist,
he, wos glab`st wohl wer`s du bist

schau`g ausse, schau`g an wind zua
er streit`s sich grad mit`n tod
gestern woan`d de blatt`ln grea`
heit sein`s goib und roud
jo gestern woan`d de blatt`ln grea`
heit sein`s goib und roud

jo mann, i tat` da scho` gern hölf`a,
oba i woass, dass i des net konn`
des, wos du do grad` mochst mit dir,
des moch`st du bess`a gonz alloa`
vielleicht glab`st, dass jetzt sterb`n muasst
vielleicht nimm`st da dei leb`n,
hinterlass` bloss trauer, i frag di nit` warum

oba do gib`s leit, de jetzt drum bett`ln,
he, lasst`s mi endlich sterb`n
ge hoi`t hin, und frog ob er tausch`n mog
i glaub, der tauscht gonz gern
i gla`b der tauscht, der tauscht gonz gern,

he, schaug ausse, schaug an wind zua
er streit`s sich grad mit`n tod,
gestern woan`d de blatt`ln grea
heit sein`s goib und roud,
jo gestern woan`d de blatt`ln grea
heit sein`s goib und roud,
schaug ausse, schaug an wind zua
er streit`s sich grad mit`n tod.

__________________________________________________________

Reichenhall meine Heimat

reichenhall, meine heimat, dich lieb` ich so sehr
deine wies`n, deine wälder, dei brotzeit , dei bier
deine alpenvereine, dein drah`t zur natur
und dei stadtbauamt, hollidrio`, baut uns ois zua

reichenhall, meine heimat, dich lieb` ich so sehr
deine parkplätz, deine ampeln,
deine parkuhr`n, dei teer
deine zom`gfoahrne kind`a, jed`s joahr auf da strass
reichenhall, meine heimat, auf dich is` verlass

reichenhall, meine heimat, dich lieb` ich so sehr
deine platt`gwalzt`n hügl,
deine kahlg`schorrnan berg
deine öligen preiss`n, ois schimmert und glänz`t
dein grosstadtverkehr, und dein thunsee der stinkt

reichenhall, meine heimat, dich lieb` ich so sehr
deine jugendlich`n alkoholiker,
dei tei`as cola, dei billig`s bier
deine soldat`n am kaiser-platz, mia`d und voll dreck
und den arsch, der davo´rsteh`t
und schreit wie ein depp

reichenhall, meine heimat, dich lieb` ich so sehr
deine kurgäst, de sich aufführ`n,
wie wenn eana` ois g`heart
deine österreicher in beiss`ln,
dein gti-club berchts`gaden
und deine zamm`gsoffnan zöllner,
de`s vom bierzelt auss`a trog`n

ja, reichenhall, meine heimat, dich lieb` ich so sehr
deine pfarrer, und deine nonnen,
de für den schönhu`aba plädier`n
deine lederhos`n, deine hosenträg`a,
dei huast`n und speib`n
und deine bled`plattl`t plattler,
vom tracht`n verein
ja, und deine bled`plattl`t plattler,
vom tracht`n verein

reichenhall, meine heimat, wos hom`s aus dir g`mocht
aus deine wies`n und deine wälder,
wia a sau hom`s di g`schlacht
hom` di` auf`teilt, und her`gschenkt,
verrod`n und verkaff`t
und der untersberg, untersberg reahr`t jede nacht
und der untersberg, untersberg reahr`t jede nacht
reichenhall, meine heimat, wos ham`s aus dir g`macht

__________________________________________________________

Ois Guade

ois guade zum geburtsdog,
i hoff das recht long lebst,
dass`d´wachst und dass d´ma g´sund bleibst,
und dass da oiwei guat geht,
dass´d später amoi, koa glatzn kriagst,
oh mensch du, des war schlimm,
dass des werst, was gern werd´n mogst,
und net des wos zu dir sog´n
dass da so redst, wia´s das g´lernt host,
wer aufpasst, der va`steht
und vor allem das, dei sonn,
jo das dei sonn, nia untergeht
dass du no tonzt, wo de ondern alle sitz´n,
dass du no lachst, wo de ondern alle reahn
und dass d´woast, dass ma die brauchan,
aber dass`d uns nit g´herst
und dass`d woast, dass ma die brauchan,
aber dass`d uns nit g´herst

ois guade zum geburtsdog,
moch einfoch s´ beste draus
und glab jo nia, dass du wos bessers bist,
bittsche´ bua pass auf
und glab jo nia, dass du wos bessers bist,
i sog das bua pass auf.

ois guade zum geburtsdog,
i wünsch da, dass`d nia frierst,
und dass oiwei wos zum essen host,
und dass`d amoi g´sunde kinder kriagst
dass später amoi kan wamp´n host,
und vor deim fernseher hockst,
dass später amoi va`stehst,
dass ma nit oiwei stat sei konn
red nit von liebe oder von treue,
red von respekt, do is ois dabei,
horch zua, wenn a oita monn wos sogt,
und wenn er no so vui krompf dazählt
dass du no weiter gehst, wo andere steh` bleibn
dass du no griasst, wo koana mehr wos sogt
und dass`d woast, dass`d nia alloa bist,
i bin oiwei irgendwo
und dass`d woast, dass`d nia alloa bist,
i bin oiwei irgendwo

ois guade zum geburtsdog,
moch einfoch s´ beste draus,
und glab jo nia, dass du wos bessers bist,
i sog das, he pass auf
und glab jo nia, dass du wos bessers bist,
i sog das bua, pass auf.

__________________________________________________________

Fantasie

he hob i da g´sogt, so geht des nit,
hob i da g´sogt, do werst di deischn
irgendwonn gibts nur no blede auf der wöit,
und donn bist du a minderheit
irgendwonn hot jeder ois und wer ois hot,
des denk ma i, der braucht irgendwonn amoi nimmer mera
jo wos turst donn mit dem graff´l, he va`schenk s`as
wo doch koana mehr wos woi
koana frogt di mehr nach rat,
weil a bleda einfach des tuart, wos a gern tuart
und egal, wo i a hi´kimm,
i hob´s gfui, dos oiwei mehra blede wer´n
du bist der oanzig´ gscheide mensch auf dera woit,
i hob´s erkonnt, wos wuist no mera
und weil i nie so gscheid wern wer,
wer i hoit bled bleib´n, wer werd scho gern wia du
schau hi, do geht de sunn auf
und mit a bissl fantasie, scheint´s heit bloss fiar di
he, hob i da g´sogt, so geht des nit,
hob i da g´sogt, do werdst di brenna´
irgendwonn kennt jeder jeden, von de bleden,
oba koana kennt mehr di
du g´scheida mensch host g´sogt,
mir brauchan nukleare kroft donn werd ois vui bessa
jo, und mir bleden homs dir glabt,
und de oberbleden, de san scho long hi
nea´mt, va`zählt dir sei geheimnis,
weil er woass, er konn si nit auf di va`loss´n
mea´mals frog`t de mi, obs`t kimmst,
wie jeder woass, doss g´scheider is, wonn`s nit z´vui herst
und de, de jetzt no um di sein,
i sog dir´s glei, de konnst du irgendwonn amoi,
konnst du de va`gess´n
de san bloss so long um di rum,
solongs wos brauch´n,
aber irgendwonn, homs von dir g´nua´g
schau´g hi, do geht die sunn auf,
und mit a bissl fantasie, scheint´s heit bloss füa di
he hob i da g´sogt, so geht dos nit,
hob i da g´sogt, do werst a pech hob´n
koana glabt der mehr, wos´d g´sogt host
und selbst da dümmste, hot sei bledheit amoi satt
ja, und egal wo i a hi´schau,
irgendwo steht immer irgendoana auf
und irgendwonn trau´n sie si´ geh´n,
donn geht´s bergab mit dir
und mit de bled´n gehts bergauf
jo irgendwonn hob i des g´fui
do san sich irgendwelche leit, irgendwie einig
und der blede is donn der,
der koan instinkt mehr hot, jo der muass einfoch sterb´n
i glab wenns überhaupt a chance gibt,
donn muass g´longÁ, dass ma schreib´n kenna´ und les´n,
unser letzte chance is de, dass ma uns mir geb`n
dass mir nimma g´scheider wern
schau hin, do geht de sunn auf
und mit a bissl fantasie, scheint´s heit bloss fiar di
schau hin do geht de sunn auf
und mit a bissl fantasie, scheint´s heit bloss fiar di.

__________________________________________________________

De Zeit

er is jo schliesslich, ein freier mensch,
er is da chef, do konn er toan und loss´n, woss er gern mog
letzte woch, do is ea´m sei sekeretärin davo´,
jetzt muass er wieder onanier´n, des is a plog´
diese angestellten, furchtbar, host bloss ärger damit
und donn va`gunan`s da nit, für a fünfal freid
hätt´ doch bloss sog´n brauch`a, sie mog nit
aber mitten drin fongt´s oh´zum schrei´n

und so vergeht dei gonze woch´,
und so vergeht dei gonze zeit
und do hob i bissal mehr davo´ wie du,
fiar des hosst du a mehra geld

er glaubt natürlich, glaubt a jeda,
dass grod er da ärmste is
weil ihn da papa immer so fürchterlich schimpft
do miass´n drog´n her, sogst du damit man´s etwos leichter nimmt
und des geschwätz vom papa, nimmer a so heart
du sogst da papa, der hot g´suffa und fiar des
rauch i jetzt an hasch
ober des sog i da a, so geht des nit
du solltast finga davo´´ lossa,
weil zum raucha, bist du einfach z´bled

und so vergeht dei gonze woch´,
und so vergeht dei gonze zeit
und do hob i bissal mehr davo´ wie du,
fiar des hosst du a mehra geld

du hoit´st mich auf, weil ich gerode ohne sturzhelm foahre
des i jo sche, doss i di wieder amoi triff
du sogst, des kostet vierzig mark
des is in ordnung, des sog i dir
des zoih i glei, weil i des sunst bloss vergiss´
i foahr nit oft ohne mein helm, wenn i so siehg, wos ois passiert
aber des brauch i monchmoi, buid i ma hoit ein
und gonz egal wos mia passiert,
des konn nit schlimmer, wia bei dir, konns a nit sei

jo so vergeht dei gonze woch´,
jo so vergeht dei gonze zeit
und do hob i bissal mehr davo´ wie du,
fiar des hosst du a mehra geld

des is ein wahnsinn, is des g´wend,
wia der do obag´sprunga is
von diesem kran, an einem gummi is er g´hänkt
wer des berechnet, frog i mi
woast scho, vom g´wicht und all des zeug
das nit mit´n schädel drun´t in bod´n einebrennst
i nimm scho a monchmoi an gummi, aber do häng i mi nit hi
den ziag i oh, und wenn der reisst, geht´s bloss ums geld
jo aber deina, der wenn reisst,
donn bist du nimmer do auf dera wöid

und so vergeht dei gonze woch´
und so vergeht dei gonze zeit
und do hob i bissal mehr davo´ wie du,
fiar des hosst du a mehra geld

und so vergeht dei gonze woch´
und so vergeht dei gonze zeit
und do hob i bissal mehr davo wie du,
fia` des hosst du a mehra geld

jo so va`gengan deine woch´n, so va`geht dei gonze zeit
so va`gengan deine monat und dei joahr,
und irgendwann gehst ´naus auf´s klo
und donn schaugst nei, und was stellst fest, he
soll i da sog´n, he du scheisst a ka marzipan
du sogst du bist holt so wias bist,
donn loss mi a so wia i bin
und loss de ondan a so sei´, misch di nit ei´
und irgendwann werst schnoi´n, dass mir mei zeit
vui mera wert is, wia dei geld

jo so vergeht dei gonze woch´,
jo so vergeht dei gonze zeit
und do hob i bissal mehr davo´ wie du,
fiar des hosst du a mehra geld

jo so vergeht dei gonze woch´,
jo so vergeht dei gonze zeit
und do hob i bissal mehr davo´ wie du,
fiar des hosst du a mehra geld
he, mera geld host, jo mera geld

__________________________________________________________

A trauriga Dog

war des ein trauriga dog, war des ein trauriga dog
ein trauriger dog is des g´wed´n,
a so a trauriger dog a so trauriger dog,
a trauriger dog in mein leb´n jo des war ein trauriger dog,
war des ein trauriger dog ein trauriger dog is des g´wed´n,
a so a trauriger dog, a so a trauriger dog,
a trauriger dog in mein leb´n

a wonderer stürtzt ab, am untersberg
und stell dir vor, koan geht er ab,
durch zufall, werd er irgendamol g´fund´n
und er werd einfoch irgendwo vergrob´n
a kloans kind kimmt auf´d wöid,
a muadda de stirbt,da vodda spritzt si´ tot
der oane kannt, jo ober er mog hoit einfoch nit
der ondere mecht so gern, und konn dir nix geb´n
war des ein trauriga dog, ein trauriga dog
ein trauriger dog is des g´wed´n, a so a trauriger dog
a so a trauriger dog, a so trauriger dog in mein leb´n
a storch tat gern landen im erdinger moos,
aber a wöid bricht fiar ea´m z´samm,
jetzt hätt´ er drausen an plotz im isental,
jetzt baun´s ea´m no a autobohn
a polizist daschiasst in bogota an kloanan buam,
touristen stehn daneb´n und schau´n ea´m zua
jo und da streibl sogt bloss, des kannt a bayer g´wess´n sei,
de longan alle a bissl härter zua
des war ein trauriga dog, des war ein trauriga dog,
ein trauriger dog is in mein leb´n, a so a trauriger dog,
a so a trauriger dog, a so a trauriger dog is des g´wed´n

a krüpp´l, dabettl´t si´ am stachus a poor mark,
da mitterand, frisst sich auf uns´re kost´n durch
da kohl, liagt net bloss uns, de gonze wöld, liagt er on
und olle hearn ma zua,so vui leit geh´n naus auf strass de schrein,
aber sowenig kemman hoam, und de reahrn
mir g´hörn doch olle g`hörn ma z´samm
ziagts eich`re uniformen aus, jetzt geht´s um unser leb´n
des war ein trauriga dog, ein trauriga dog
ein trauriger dog is in mein leb´n, a so a trauriger dog
a so a trauriger dog, a so a trauriger dog is des g´wed´n
he mann, an igel foahrn`s z´samm auf da b - 21
oh´good so unwichtig war`s g´wed´n
wenn i nit wissat, dass des da letzte igel war,
und i wer nie mehr oan seg´n
a kloana bua sitzt vor an automat und reahrt
sei letzte mark hot er grod va`spuit
oh´mann, i frog mi, he was is denn bloss passiert mit dir
du host doch g´sogt, dass du ois onderst mocha wuist
oh´mann, i frog mi, he, was is denn bloss passiert mit dir
du host doch g´sogt, dass du ois onderst mocha wuist
heit bist a staatsanwolt und du host doch amoi g´sogt,
dass d´ois onderst mocha werst
heit bist a richter, und du host doch amoi g´sogt
dass d´ ois onderst mocha werst
heit bist a lehrer, und du host doch amoi g´sogt,
dass du ois onderst mocha werst
heit bist a vodda, und du host amoi g´sogt,
dass d´ois onderst mocha werst
jo, des war ein trauriga dog, ein trauriga dog
ein trauriger dog is in mein leb´n, a so a trauriger dog
a so a trauriger dog, a so a trauriger dog, is des g´wed´n

__________________________________________________________

Im Herbst (Kai)

na i mechat nit im summer sterb´n,
womeglich hot´s grod dreiss´g grod
und koana kannt an schworz´n anzug trog´n
in kurze hos´n und im t-shirt, standen´s do
olle, tat´n schwitzen und i derfat frier´n
und i kannt nit amol aufa schau´n, von do drunt
wenn´s in earnane kurz´n röck, an mein grob vorbeigeh´n
jo im herbst, do is mir sowas wurscht

na i mechat nit im summer sterb´n
kannt nit mit´n motorrad´l aussefoahrn, auf "ruapadding"
wo de andrea wohnt, und de b´suach i so gern
obwohl´s ma liaba is, wenn sie zu mir kimmt
i kannt nit mit´n radl über´s wachterl foahr´n
und wenn i jeden dog a bissl länger,
und wenn i jeden dog a bissl länger brauch
und im herbst, do is saukolt, do steht´s rad´l in da garage

jo und donn buid i ma monchmoi ein, da mensch tat ewig lebn
und i miassat eich noch hundert joahr ertrog´n
und wenn i wirklich bloss vierz´ge wer´,
i sog´s eich, vierz´g joahr mit eich, des longt
jo und donn, buid i ma monchmoi ei´,
da mensch tat ewig leb´n , donn tat`n oarschlech`a,
tan`t oarschlecha, tan`t oarschlecha,
end a ean`a i woass, dass jedes oarschloch dro` kimmt
und desweg´n stirb i gern

na i mechat nit im summer sterb´n,
do war i vui liaba auf an open - air
und do war´s mir so wurscht, wer grod spuit
und wonn´s da schmiedbauer is,
weil i woas, dass i do drunt überhaupt nix mehr höhr
und vielleicht tat irgendoana von eich zu mir sog´n,
he olter kimm sitz di umma zu uns
ziag amol g´scheid oh
donn tat i nit na sog´n zu ea´m,
wos nit hoast, dass i nit na sog´n ko`

na i mechat nit im summer sterb´n
do, mecht i braun sein und nit weiss
do mecht i am thumsee drob´n lieg´n, mit, oder unter eich
und wia a hund, wer i mi schütt´ln, wenn i aus´n wasser kimm,
dass meine hoar grod a so flieag´n,
dass meine hoar grod a so flieag´n
und im herbst, do is saukolt, do hob i a haub´n auf,
jo im herbst, do mecht i sterb´n

jo und donn buid i ma monchmoi ein,
da mensch tat ewig lebn
und i miassat eich noch hundert joahr ertrog´n
und wenn i wirklich, bloss vierz´ge wer´
oba vierz´g joahr mit eich, oh mann, des longt
jo und donn buid i ma monchmoi ei´,
da mensch tat ewig leb´n
donn tat`n oarschlech`a,
tan`t oarschlecha, tan`t oarschlecha,
end a ean`a i woass, dass a jeda dro`kimmt
a jeder, und desweg´n stirb i gern

na i mechat nit im summer sterb´n,
da summer is koa guate zeit fiar´n tod
und wenn´s amol noch mir gangat,
donn wars a saukolter dezember-dog
so kurz vor weihnachten vielleicht,
wo ma si aufeinander freid
und de erinnerungen, san gonz frisch, he
und i sitzat des letztemoi, jo wirklich des letztemoi,
mit eich on an tisch

na i mechat nit im summer sterb´n,
aber wenn´s wirklich summer is
jo mei, dann muass hoit a so sei
hängts mi hi, an eich`re apparate,
spuits nit gott bei mir, built´s eich bloss nit z´vui ei´
und losst´s nit mei herz,
bloss no dadurch schlog´n
dass es mit elektroschocks traktiert´s, dass es tracktiert´s
wenns soweit is, donn geh i gern,
i mech´t koan dog g´schenkt kriag´n, von eich, he
jo wenn´s soweit is, donn geh i gern,
i mech´t koan dog g´schenkt kriag´n, von eich

__________________________________________________________

Nimms ned so schwar

gestern, is dei frau davo´, gonz alloa` stehst do
gestern, do hot a leb´n aufg´hört, heit fongt a onders oh
gestern, do host no g´moant, du bist verliebt,
he sog amol, wos nit ois gibt,
setz di her, und iss mit mir,
wons an durst host jo donn trink
mei bester freind, hot mi va´rot´n
ober i woass, dass i wieder oan find
drah di nit weg, wenn i mit dir red´
he schau mi oh, he schau mi oh,
he do steh´i, he do steh i do, do steh i do
und nimms hoit ned so schwar,
war´s onders woarn, war´s onders g´wess´n
mehr woar net do fiar di, fiar des, war der do drint´n ois.
bleib einfoch gonz cool und solong s´ no tonz´n konnst
und wenns a bloss im kopf passiert
is no nit is no nit is no nit z´spät für di
is no nit is no nit is no nit z´spät für di

jo gestern host no kinder g´hobt, heit kimmt de polizei
und nimmt deine kinder einfoch weg,
aber i sog da s´, loss dir de hoar nit schneid´n
loss ausawochs´n aus´n kopf,
mensch moch di frei moch di frei,
i sog das, loss dir jo koa glotz´n schneid´n,
loss dir jo koa glotz´n schneid´n
gestern woitst an porsche, heit mechst an bmw
schaug amol deine kontoauszüge oh,
des g´longt grod amol für an 1200er vw
mensch bleib auf´n teppich, he i sog d´as do g´herst hi
mochs nit aso, machs nit aso,
mochs nit aso wia de, mochs nit aso wia de
und nimms hoit ned so schwar,
wars onders woarn, wars onders g´wess´n
mehr woar net do fiar di, fiar des, war der drint´n ois.
bleib einfoch gonz ccol und solong s´ no tonz´n konnst
und wenns a bloss im kopf passiert
is no nit is no nit is no nit z´spät für di
is no nit is no nit is no nit z´spät für di

jo mensch i brauch scho nimmer zuahaun,
wenn i a meinung hob´
und gonz egal wos i immer sog,
i woas gonz genau, dos s´es erfoahrn
jo und i frei mi, dass heit do san,
he nemmt´s es in arm, nemmt´s es in arm
zoagt´s earna, dass ma ´s ernst g´moant hom
jo und i frei mi, doss heit do san he,
nemmt´s es hoit in arm, nemmt´s es hoit in arm
zoagt´s earna, dass ma´s ernst g´moant hom, ernst g´moant hom
und nimm´s hoit net so schwar,
wars onders woarn, wars onders g´wess´n
mehr woar net do fiar di, fiar des war der drin´t ois
bleib einfoch gonz cool und so long s´ no tonz´n konnst
und wenns a bloss im kopf passiert
is no nit is no nit is no nit z´spät für di
is no nit is no nit is no nit z´spät für di
he mensch nemmt´s es hoit in arm
zoagt´s earna hoit zoagt´s earna das ma s´ ernst g´moant hom
is no nit is no nit is no nit z´spät für di.

__________________________________________________________