Der Neuwagenbesitzer

i foahr gonz g´miatlich auf´n oltstodt-ring mit mein neich´n wog´n
hob ma ihn gestern erst vom händler g´holt, 10 kilometer san drob´n
wia i einbiag in de prinzregenten, kimmt a so a depp
mit sein radl auf´n radlweg, jo i brems fia ea´m net.
er brennt ma eine,
und donn haut´s ea´m über kühlerhaub´n auf strass
sakrament mei neiga wog´n, do kriag i glei an hoss
i hau ihm glei a g´scheide eine, und geh´ ums auto ummadum
und mir foi´t a stan vom herzen, i siag koan krotza und koa duill´n

kennan kniascheib´n krocha, boana brecha
und wenns gebiss rausfliagt,
de hauptsoch, de hauptsoch, mein wog´n is nix passiert
de hauptsoch, de hauptsoch, mein wog´n is nix passiert.

donn foahr i ausse auf de autobohn und ziag ihn richtig nauf
a holbe stund von null auf hundert, des holts´t im kopf nit aus
nojo, i muass ihm scho´ g´scheid ei´foahrn,
dann bring i scho wos drauf
sonst moan i, woars bold g´scheida g´wend,
i hätt ma rollschuah kauft
do siehg i, wia von hinta,
a rocka kimmt und der kimmt furchtboar schnell
dem saubuam wer i hoifan,
de g´hearn doch eh an´d wand hing´stellt
i reiss mei steier gonz nach rechts, jo sowas macht an spass
jetzt ackert er in richtung dagelfing, durch´s meterhohe gras.

kennan kniascheib´n krocha, boana brecha
und wenns gebiss rausfliagt
de hauptsoch, de hauptsoch, mein wog´n is nix passiert
de hauptsoch, de hauptsoch, mein wog´n is nix passiert.

mei oite hot mi so long bett´lt, bis i endlich jo g´sogt hob
jetzt is seit oana stund va`schwund´n, sche´ longsom kriag i angst
i hob ihr eh no ois erklärt, normalerweis konn nix passier´n
ober a weibsbild hinterm steier, foahrt hoit oiwei ohne hirn.

noch drei stund´ is ma endlich kemman, ihr g´sicht wor gonz voll bluat
s´ nosenban wor brocha, jo do kriag i glei a wuat
doch bis auf einen teppich, den´s versaut hot, hot ea´m net vui g´fehlt
und den neich´n fuassabstreifer, ziag i ihr ob vom hausholtsgeld.

do konnst des hirn an frontscheib´n onehaun
und wenn´s des kreitz verbiagt
de hauptsoch, mein wog´n is nix passiert.

__________________________________________________________

Mama zieg dei Schürz'n aus

es gibt a poor recht liabe,
da grossteil, oba is schiach
und grod von ana b`soners schiach`n,
hätt i an strofzett`l kriagt

i woar am viktualien-moarkt,
hob`s fuatta kaf`t fürn hund
und wia i rauskimm, siehg i a bled`s g`schau in uniform
i geh zu ihra fire und sog
her`ma auf du, mit dem schmorr`n
weil des, wos i beim metzger wor,
nit drei minuten woar`n
doch zum verhond`ln gor nit fähig,
weil`s gnuschl`t hot, wie`d sau
mecht`s mir den wisch in`d hand geb`n,
de selt`n dumme frau

ja, ja, ja, mama ziag dei schürz`n aus, schmeiss die in`d uniform
es san bei uns`rer polizei, schon bledere wos woarn

i sog, dos i nix o`nimm, von leit, de i nit kenn
und das i ihr`a, wenns nit glei geht,
höchstwohrscheinlich oane brenn,
du selt`n schiacha nochtscherb`n,
des mochst du nit mit mir
und du warst nit die erste,
der i desweg`n oane schmier
gonz roud vor wut blearrt`s führerschein
jo, sog i, hob i koan
und wenn i an hätt, donn tat i ihn
dir gonz bestimmt nit zoag`n

des auto muaß doch o`gmeld sein,
papiere tat`s gern sehg`n ja, sog i, de helfan da a nix
de nummernschüld`n hob i g`stohl`n

ja, ja, ja, mama ziag dei schürz`n aus, schmeiss die in`d uniform,
es san bei uns`rer polizei, schon bledere wos woarn

jo, sog i drauf, du ridndvieh,
wos glab`st woi, wos du bist
für mi, bist du nit mehra,
wia a schauferl voll mit mist
und wenn a kloana scheissdreck groß werd,
dann stinkt er um so mehr,
do brauch i doch bloss die onschaun
und hoid ma`d nos`n zua
drauf kriagt de frau an schreikrompf
und plärrt noch der polizei
geh weida, sog i, muatt`a, schaam` die
bist söi`ba do dabei

und ausserdem beruhig di, des is gor nit mei wog`n
da meine is zwoa, a foisch parkt, oba heit` am stachus ob`n

ja, ja, ja, mama ziag dei schürz`n aus, schmeiss die in`d uniform,
es san bei uns`rer polizei, schon bledere wos woarn __________________________________________________________

Meine Haar

des nächste liad... hob i für mi g`schriebn... damit i a amoi dabei bin, geh! des liad hoasst "meine hoar wer`n oiwei länger" und do muass i ganz a kurzes gedicht vorher sagn und des gedicht hoasst: "so stell i mein tod vor" :

i sitz ganz gmiatlich auf an bankal, total kaputt und furchtbar miad - drent von da baustell` kimmt a typ - a kloana dicka - her zu mir: "host scho recht, vui werd g`oarbat!!", moant a. "ja" sog i, "schaug wia miad i bin!" - "ja, wos dat denn i do macha? do derfat i ja grad nu liegn!" ja sag i drauf: "du bleda lack`l, host frische luft - hearst d`vögl singa! i sitz 3 stund` am tag im hörsaal, des muasst amoi a zeit lang bringa!!" des hod er nicht vertragn... drauf hod a mi daschlogn!


meine hoar wer`n oiwai länger, oiwai kürzer mei verstand,
des sogn`t leit` scho über mi, i war a schand, - für`s vaterland

in da fruah fongt des scho` oh
da vodda sogt`s scho` seit a poor johr
jed`n dog den selb`n olt`n schmorrn zu mir
bua jetzt geh holt amol zum hoarschneid`n
wia a grat`la schaugst scho aus und tua di hoit amol rasier´n

wenn i noachan zu ea`m sog, geh weita papa, hoit dei ma`i
i konn den bledsinn eh schon nimma hearn
dann scheisst da d`muatta z`omm
schau hin, dei bua, du host`n so dazog`n
und danoch hear i mei muatta blearr`n

deine hoar wearn oibai länger, oibai kürzer dei verstand
des sogn d`leit scho` über di, du warst a schand, für`s vaterland

wenn i dann in`d oarbeit geh
hon` i die tür noch nit g`scheit auf,
plärrt da chef scho wieda raus, aus sein büro
ea´m follt a nix neichs mehr ein
morg`n friah, wenns´d kimmst, host kurze hoar
weil i leit mit longe hoar, net brauch`a konn

aber wenns amol bressiert
dass i auf`d nocht noch bugg`ln soll
ummasonst, wie scho` fast jed`n dog.
do tat er freindlich werd`n, da hirsch
do sann`s va`gessn, meine hoar
jo, do fongt er dann zum stiefl`leck`a on

meine hoar werd`n oibai länger, oibai kürzer mei verstand
des sog`n d`leit scho üba mi, i war a schond, fürs vaterland

irgendwann is` donn passiert,
do woa`s atomkraftwerk kaputt,
des in ohu, hot an riss g´hobt, sakrament
i bin aufgwocht in da friah
und hob in spiag`l eineg`schaut
und meine hoar flackern noch oiwei in mein bett

auf da stross`n lauta blottate, de jetzt in`d oarbeit geh`n
unsa` papagei sitzt nockat do und plärrt
durch atomkraft-energie, werd oi`s vui billiger, hom`s g´sogt
und vor allem, spars`t dos geld glei, für`n frisör

jetzt wern`d hoar sche longsom kürzer
oiwei mehr a der verstand
wenn`s noch dem geht, hät´ ma an hauf`n
g`scheide leit in unsa`m land

__________________________________________________________

S'Schwabingliad

des nexte liad, is mei schwabingliad....

i bin de letzte woch´ amoi,
in schwabing drunt`n g`wend,
i wollt´ de disco-dirndl`n,
im glitzerwgand`l sehg´n
oba leida woas z`koid und`s wetter woar va`regn`t
do san`s nit umanondergrenn`t

i geh donn in a kneip`n und b`stell mir an kaffee,
do siag i nebenbei oane sitz`n,
jo mei woar de sche`
an pelz von riega hot`s o`ghobt,
d`hoar woarn lauta zöpf
an schlitz im rock und a blus`n ohne knöpf

i schaug`s a zeitlong on,
donn geh i umme zu ihr
und sog gonz freindlich no wia war`s spotzal,
gehst a bisserl mit mir spazier`n?
do frogt`s mi, ob i bled bin,
oder wos i von ihr hol`t
sie geht do nicht do n`aus, ihr wars vui z`kolt

und ausserdem hat`s g`sogt,
kimmt eh glei ihr freind, der keinen spass versteht,
wenn`s um sie geht, hot`s g`meint
der haut oiwei glei zua und sie hätt scho` a bisserl angst
weil er gor so eifersüchtig is, der schwontz

geh weita, sog i, dirnd`l,
so tragisch konn`s nit werd`n
weil schmächtig bin i jo a nit grod,
schaut`s mi nur on, meine herr`n
der braucht bloss bled daher red`n,
donn hau i ea´m a poor d`rauf
donn wocht er in grea`woid drin, wieda auf

auf amoi hot`s an dumpf`n do und finsta is wor`n
da neptun und de venus,
kreis`n um meine ohr`n
i siehg nur sei bled`s loch`a,
dann wars wieda nacht
im "rechts der isar" bin i dann erwocht

seitdem geh i nia` mehr nach schwabing,
schau koane mehr on
und wenn sich oane zu mir hersitzt, va`ziag i mi auf`s klo
do bleib i dann sitz`n, bis spät in de nocht
und frei mi, dos i`s ausgschmirrt hob und loch
und frei mi, dos i`s ausgschmirrt hob und loch

__________________________________________________________

Liaba Gott i dank dir sche

liaba good, i don`k da recht,
i bin a bayer wor`n
ohne hoi`s, dafür mit bauch
und furchtbar grosse ohr`n
stramme wadl`n host ma geb´n
und a rote birn
a nas`n für mein schnupftabak
aber furchtbar wenig hirn

liaba good i don`k da recht
host mi zum bayern g`macht
mit an g`scheitn oberhaupt
über des, a jeder lacht
dass ma nur nicht`s schlecht`s daleb`n,
dos pass`n de schon auf
jo sogoa`s tv-programm,
suachan`s für uns aus

liaba good i don`k da recht
i bin a fescha bua
mit an gamsboa`t auf mein huat
und schworze haferl-schuah
zum lerna`n schickan`s mi in schui
de hom` do so an plan
do lernt ma, wos ma eh nia braucht
den rest wers`t scho` erfahr´n

liaba good i don`k da recht,
host bayern-dirndln g`mocht
in an fesch`n dirndl`n gwond
des oi`weil saudumm lacht
heirat`s späta eh amol
braucht`s a net vüi wiss`n
hauptsoch, sie konn kinda kriag`n
in`s hirn hom`s ihr`a g`schiss´n

liaba good schau oba do,
schau deine bayern oh`
jetzt sitz ma hinta`n königssee
und sauf`n uns g`scheit oh`
do schaug` ma deinen preissn zua
wie der sich freit` und lacht
er hot se grod a klo-schüss`l
als andenk`n, an uns ka`ft

liaba good schau`g her zu mir,
du host wos übersehn
dass`t ma, a wen`ga stolz mitgibst
und a hond-voll hirn
dass mir, für`d kurgäst oi`s verbau`n
bloss z`wengs a weng`an geld
über deitschland locht de sonn
über uns, de gonze wöid

__________________________________________________________

Der Rasenmäher

äh, i bin a weit z`nah an de mikros geh, de leit` sog`n ma des oiwei, i hob vorn schon a brück`n, weil i immer einebeiß. jetzt hob` i ma`s platin va`edl`n loß`n, do passiert nea`ma a so vui , geh.. des nächste liad... hob i an nachbarn gewidmet, von mir. der wohnt jetzt nimm`a nebba mir (he he he) des liad hoaßt "auf gute nachbarschaft". und der typ hat` a wahnsinnig blöde angewohnheit g`habt, der hat immer, wann i ... amoi g`scheid aus`schlaffa woit, sein ras`n g`maht. und zwar mit an wahnsinnig groß`n ras`nmäher, der wo furchtbar laut war. der hot` vier radl`n g`hobt, .. links und rechts ein mähwerk. in der mitt`n war ein ganz ein gemütlicher satt`l und da is er immer drinneng`hänkt und wie ein bledá durch sei grundstück g`foahrn. und dem hab i des liad gewidmet...... übrigens is des liad ein tatsachenbericht, geh... do kimmts wieder richtig raus, das i a guata mechaniker bin.

de gonze woch` derfst buggl`n, muasst autos reparier`n
do `freist die auf`n somsdog, brauchst net aufsteh`n in da friah
a`moi richtig schlaffÁ, bis um viere nachmittag
bloss is des nit so einfach, wenns`t an bled`n nachbarn host

mei nachbar, leit i sog`s eich, des war vielleicht ein aff`
am somsdog in der fria`h, hot der sein rasenmäher packt
um sieb`me fangt der krach oh`, do reisst`s die auss`n bett
na wart` nur, du kaputter typ, du kriag`st scho` no dei fett

am montag in der nacht bin i in sei garage eing`stie`gn
hob sofort damit on`gfongt ea`m die kruck`n zum zerleg`n
zylinder a weng auf`boahrt, die zündung stell i ein
an doppl-vergaser von weber, der muass no holt scho sei`

a g`scheide übersetzung, die kett`n werd va`kürzt
an ansaugstutz`n von da kawasaki hinmontiert
an zwoazylinder-achtventiler hob i ea`m do g`mocht
der wos von null auf hundert, in vier sekunden schafft

am somsdog drauf`, bin i um fünfe a scho`aus mein bett
und hob mi drauss`d im goart`n hint`am zaun, auf`d lauer g`legt
pünktlich auf`d minut`n schmeisst da d`rint sei monster oh`
legt sonft den erst`n gong ein, und lass` die kupplung los

wiea auf`n solzburgring foahrt er, vier rund`n um sei haus
donn brennt er so mit hundertdreiss`g auf`d hauptstrass` naus
dass s`gartntürl noch zua war, des hot` er nimmer gspannt
`die zaunlatt`n flieagt durch die luft, und ois werd überfahr`n

von reichenhall nach piding,(9,5 km) hat er drei minuten `braucht
den kurz`n weg bis aufham, fahrt er über`d autobahn
hinterstauf`n umme, über inzell wieder z`ruck
an tramper hot er a dabei, der auf der lenkstang` hockt

jo leit, i sog`s eich glei, wenn`s so an nochboarn hob`s wie`Á mi
maht`s eichan ras`n nit am somsdog in der früh
machts` as wiea mei nochboa, der woass scho` wia si` g`hört
der schneid sein ras`n mit der schar, damit si` nerm`st` droh stört

__________________________________________________________

Leb'n ma gsund

wonn i heit a so z`ruckdenk,
denk i on an schworz`n dog
wo mi gonz a liabe frau,
zum ess`n einglod`n hot
hob den gonz´n dog, g`hungat,
damit`s ma g`scheit schmeckt
und jetzt sitz i vor mein teller
und hob`s gfui, dass i varreck

i kimm eine und sie frogt,
mog`st s`as durch, oda roh,
derf ruhig rosa in da mitt`n,
weil s` vui` bessa schmeckt a`so
und i hob mi nua so g`freit,
wi`as den tella zu`abe trog`t
und jetzt sitz i, vua dem` selb`n
und hob des gfu`,i mi trifft da schlog

a wirsing-steak floch`t drauf`
mit grea`fuatta garniert,
an erbs`n-soft zum sauf`a,
dass mi vom oh`schaun, scho` g`friat
als nochspeiss, a hand voll hofer,
der is guat für de zähn
und als höhepunkt, gib`s dörrobst, mit malz-kaffee

ob`s ma schmeckt frogt`s, oba logisch,
sog i und pass auf, dass i net kot`z,
wenn is ess`, dann sie denkt,
dass sie gar`so guat kocht
und vor allem, is des g`sünder,
do merk`t ma nur, dass schmeck`t
sie ka`ft bloss no im bio-lod`n
d`runt`n im eck
seit dem sind zwa joa`h va`gongan,
gestan, hob` i`s wieda g`segn
scho` von weit`n, hot`s mi´ grias´t,
hat mi´ an`glocht, ohne zähn
gibt ma d`hond, - eine bratz`n
wie a klodeckl, - so gross
i hob`s gfui, i häng im schraubstock
und s´luada losst net los

die moral von der g`schicht,
leit`, i muass einfach sog`n
leb` ma g`sund, leb` ma tei`a
kaf` ma oi`s, im bio-lod`n
oi`s wos tei`a is, is guat,
oi`s wos guat is, muass her
is da selbe scheiss wi`a da ond`re,
bloss von dem, fress` ma mehr

__________________________________________________________

Sakrament warum steig agrat i...

i geh nach der arbeit, in schwabing drun`t gonz gern spaziern
da oan` va`kaft sein schmuck, und i tua mit de dirnd`l kucketiern
vor mir siehg` i, so an liab`n käfa gehn
mit lange blonde hoar, i mecht`s grod überhol`n
sie locht schon her zu mir, do tua i gonz an laut`n schroa
de leit, schaun umma und loch`n grod recht bled
weil i schon wieda, mitt`n in da scheisse steh, ja ja

dos is der sakrament warum steig agrat i oiwei
in hundsdreck eini blues
i woas, dass i`s irgendwann derschlog
weil i den hunds`dreck nimmer long vertrog, na na
dos is der sakrament warum steig agrat i oiwei
in hundsdreck eini blues

i flogg am eisbach in der sunn`a und heit hob i amol so richtig zeit
dass i des tua, worauf i mi de gonze woch`n
jetz e scho so g`frei,
de dirnd`ln nebba mir,sein nackert
und me locht de gonze zeit scho` oane oh
i wer glei hin`geh, um a fei`a, der rest, ergibt`se noacha scho`
i moch den erst`n schritt und kriag` a rote birn
natürlich bin i barfuss eine`gstieg`n, ja ja

dos i s der sakrament, warum steig agrat i oiwei
in hundsdreck eini blues

i foa`r mit`n auto noch pasing umme, weil i do mei freindin triff
sie mecht mi ihre olt`n vorstelln
drum` hob i mi a sauber z`omman g`richt
i foa´ do hin, wo ma uns treff`a woit`n
i siehg`schon steh`n und spring vor lauta freid
vom auto ausse, rutsch aus,
dann haut`s mi wie an mehlsack voi` auf`s kreitz
und wiea i aufsteh, klebt dos zeig an meine händ
mei hos`n is voll hundsdreck und i stink, ja ja

dos is der sakrament warum steig agrat i oiwei
in hundsdreck eini blues
i woas, dass is irgendwann derschlog
weil i den hunds`dreck nimmer long vertrog, na na
dos i s der sakrament warum steig agrat i oiwei
in hundsdreck eini blues

mei nachbarin geht jeden dog,
ganz pünktlich um sieb`me in da friah
mit ihrem dackl `naus auf`d strass
und der hund,scheisst ma oiwal vor mei tür
drum hob heit i, in a plastiktüt`n eineg`schiss`n
und de zünd` i oh, stells ihr`a brennat hin, vor`d haustür,
kling`l und dann laa`f i schnell davo´`
und wia sie aufmocht und dos feia siehg`t
springt`s drauf, wohl in der hoffnung,
dass se`s löschn konn, do schaug`st, ja ja

dos is der sakrament siehg`st heit bist amol du
in scheissdreck eine`gsprungan blues
warum soll`s dir nit a, amol so gehn wie mir
i stell da jed`n dog
a tüt`n voll mit scheissdreck, vor de tür
dos is der sakrament siehg`st heit bist amol du
in scheissdreck eine`gsprungan blues

__________________________________________________________

S'Liad von der Energie

direkt vor unser`m haus,
steht ein schönes kernkraftwerk
des is kaputt und funktioniert jetzt
wia a mikrowellenherd
do stell`n ma unser`n schweinsbrot`n
und de knödel dann in hi`i
ja bled san mir nit a so spoart ma energie

wir essen gro`d zua mittag
und regnan turt`s g´scheid draus`d
mei muadda hold d`salodschüssel
no schnöll zum fenster `naus
seid`s do den sauern reg`n gibt
geht olles wia von söib`st
wir brauchan jetzt koan essig mehr
und vui` weniger salz

sogar de a.o.k spoart sich mit mir, an haufa göld,
da hom`s mi letzte woch` amoi
zum röntgen eine b`stellt
kontrastmittel hom`s koans braucht,
a guata hot`s im bluat
sakra` leit i sog`s eich
in bayern geht`s uns guat

ein ganz neuer berufszweig
is entdeckt woarn, durch den schmorr`n
do wer i in zwoa woch`n amoi
in irak obefoahr`n
als aufbereitungsanlag
mecht mi i, do drun`t bewerb`n
de schleckan sich dort finga ob
wenn`s sowos billig kriag`n

wenn bam` olle varreck`a
des gras total va`welkt
de kiah am feld d`raus flogg`a bleib`n,
da steaierzohla zohlt`s
wenn`d niedabayern irgendwann
statt o-ha, ohu schrein
und mir von do bis landshut sehg`n
werd`s zwegn`s dem kraftwerk sein.

doch oans beruhigt mi furchtboar
wenn`s wirklich amoi soweit
wenn i mit meiner frau, zum letzt`n mol
ins bett n`einsteig
dos olle, wirklich olle
von dera rass` dawischt
de bis zum letzten augenblick
net g`wusst hot wia ma lebt

und de, wo donn an bunker hob`n
tat i a no gonz gern sehg`n
wias hungrig on an fünfer lutsch`n
und a nit überleb`n

__________________________________________________________

Mei Vadda

seit a poor woch`n is er wia va`ändat,
seit a poor woch`n is er wieda jung,
er floggt im ras`n hinter in der sunna
und sogt des oarbeit`n is mir vui z`dumm.
er trogt bloss jeans und de hoar wochs`n ea´m in`s gnack
er strohlt über`s ganze g`sicht
und de kot`lett`n trogt er wi`a da elvis presley
i woas net, wos is mit mein voddan passiert.

sei auto hot er a schon long nea´ma g`wosch`n
stot dem, mocht er jetzt joga, jed`n dog um oans,
er hot an ohrring und a bhagwhan-kett`n,
jo, und auf des is er so unhamlich stolz

der ras`n derf nea´ma g`maht wer`n,
er braucht wildnis, hat er z`letzt an nochboan g`sogt
und weil der bled dahergred hot, hot er sei hosn obezogn
und ea´m den nockat`n oarsch umme`zoagt

mei papa, hot an marihuana-bam
seit dem is der typ, wieder ganz normal,
mei vadda, raucht jeden tag, a hond voll shit,
und i, als braver bua, i, rauch natürlich mit.

geh weida burli, hot er s`letztemoi g`sogt zu mir
hau di zuaba, do jetzt rauch ma uns g`scheid ei,
er hot an rout`n libanesen über`n tisch ummegschob`n
i hob ma denkt, doss i neamma da´krei`.

und wia er zua woar, wia a nos`n im winta,
hot er sei zitt`a`n vi`razoagt,
er hot an wahnsinns-sound durch reichenhall g`jogd
do hom sich ohrwaschl im dreieck drah`t

er is a lustig`s bürsch`l woan, mei vodda
und a mei grossmuadda raucht fleissig mit,
des woar a oarbeit, bis ma de soweit g`hobt hom,
oba` zum schluss, hot`s sie`s doch kapiert.

do wochs`n jetzt in unserm ras`n, wo da vodda oiwei lebt
marihuana-bam in himml n`auf
und jeden dog in der fruah, siehg`st as stehn, de zwoa
eingehüllt in blauen rauch.

mei vodda, hot an marihuana-bam
seit dem is der typ, wieder völig normal,
mei vadda, raucht jeden tag, an eimervoll shit,
und i, als braver sohn, i rauch natürlich mit

__________________________________________________________

Manchmoi wenn i aufwach

monchmoi, wenn i aufwoch, dann buid i ma ein
dass endlich passiert is, jo - ois is vorbei
das de wöid nimma seht und dass koana mehr lebt
dass koan vog`l, koan käfer, koan grosholm mehr gibt

monchmoi, wenn i aufwoch, dann buid i mia ein
dass sich koana mehr wehrt, .... muass jo net sein
dass koana mehr aufsteht, bloss ergeben und starr
und i a so bin, wie mei vodda mol wo`a

monchmoi, wenn i aufwoch dann buid i mia ein
dass i arbeit und bugg`l, net froh bin und frei
mi, mit 65 hinleg und wart, bis i stirb
und meine kinder bloss wiss`n woll`n
wos `amoi kriagn

monchmoi, wenn i aufwoch, dann buid i mia ein
dass i ois, wos mir g`sogt wert, glei glaub und nie schrei
dass im erdinger moos draus,` an flughofn bau`n
und jeden dog mehr, unsere landschaft versaun

monchmoi, wenn i aufwoch, dann buid i mia ein
obwohl i nix hear, hear i trotzdem wen schrein..
und obwohl i nix riach, riach i trotzdem den g`stank
von menschen, de`s um`brocht hob´n, in un`sam land

monchmoi, wenn i aufwoch, dann buid i mia ein
dass i, mit olle ondan, kanack`n raus, schrei
und dass de leit, de mir 20 joah mein dreck weg`gramt hom
auf amol, nur no` abschaum und luft für me san

monchmoi, wenn i aufwoch, dann buid i mia ein
dass i mit meine kinder net red, sondern schrei,
dass i eanan nur lern, wia ma schee tuat und kriacht
bis mei bua seine kinder, gonz genauso erzieag`t

jo und monchmoi, wenn i aufwoch, dann wünsch i ma so
dass ma jemand die angst nimmt, de angst vor dem tag
oder, dass ma irgendwer sogt, doss des oi`s net stimmt
wos i jed`n dog wieder, mit eig`ne aug`n siech

__________________________________________________________

Infos zu Endlich eine Arbeit

"Nachdenkliches zum Schmunzeln - Endlich eine Arbeit" ist Hans Söllners Erstlingswerk aus dem Jahre 1983. Anfang der 80er Jahre gewann Hans bei einem Nachwuchswettbewerb den ersten Preis und konnte dadurch sein erstes Album veröffentlichen. Die Erstauflage des Albums war noch ungekürzt; man hörte also zusätzlich zu den Liedern noch einige Gedichte bzw. Anmerkungen vom Hans. Die CD wurde 1991 wiederveröffentlicht, da die Originalbänder durch unsachgemäße Lagerung unbrauchbar geworden sind.